कोपा अमेरिकाको गोल्डेन बुटमा मेसी अगाडी

१६ असार,  काठमाडौँ । कोपा अमेरिका अन्तर्गत समुह चरणका खेलहरु सकिएर अब ८ टिम क्वाटरफाइनलमा प्रवेश गरेका छन् ।

समुह चरणका खेल सकिदा गोल्डेन बुटको दौडमा अर्जेन्टिनाका लियोनेल मेसी सबैभन्दा आगाडी रहेका छन् ।

मेसीले ४ खेलमा ३ गोल गर्दै गोल्डेन बुटको दौडमा आफुलाई अगाडी राखेका छन् । मेसीले बोलिभियाविरुद्ध २ र चिलीविरुद्ध एक गोल गरेका थिए ।

त्यस्तै यस सूचीमा अन्य ८ खेलाडीले २-२ गोल गरेर मेसीलाई पछ्याइरहेका छन् ।

जसमा अर्जेन्टिनाका अलेजान्द्रो गोमेजम ब्राजिलका नेइमार, उरुग्वेका एडिनसन कभानी, चिलीका एडुआर्ड़ो भारगास, इक्वेडरका अर्टोन प्रेसिआडो, पराग्वेका एन्जल रोमेरो, पेरुका आन्द्रे कारिलो रहेका छन् ।

कोपा अमेरिकाका अहिलेसम्म खेलिएका २० खेलमा कुल ४६ गोल भएको छ ।

त्यस्तै जारी कोपामा अहिलेसम्म तीन खेलाडीले आत्मघाती गोल गरेका छन्  ।