विश्वका महंगा शहरको सूची सार्बजनिक, टुर्कमेनिस्तानको यो शहर बन्यो विश्वकै महँगो

९ असार, काठमाडौँ । मर्सरले हरेक बर्ष सार्बजनिक गर्ने विश्वका कस्ट अफ लिभिंग सिटी (महंगो शहर) को सूचीको पहिलो नम्बरमा टुर्कमेनिस्तानको शहर अश्गाबट  रहेको छ ।

२०२० को सूचीमा दोस्रो स्थानमा रहेको अश्गाबट यस बर्ष विश्वकै महँगो शहरमा पहिलो नम्बरमा उक्लिएको छ । 

मर्सरले शहरमा बस्न हुने खर्चको आधारमा विश्वका २०६ शहरको वरियता सार्बजनिक गरेको छ ।

यस अध्ययनमा हाउसिंग, यातायात, कहना र मनोरंजनलाई समावेश गरिएको छ ।

टुर्कमेनिस्तान हाल आर्थिक मन्दीमा रहेको र खानाको समेत अभाव रहेकोले अहिले यस शहरमा बस्न विश्वमै सबैभन्दा महँगो रहेको अध्ययनले देखाएको छ ।

त्यस्तै यस अध्ययनमा विश्वमा सबैभन्दा सस्ता शहरहरुमा क्रिगिस्तानको बिश्केक, जाम्बियाको लुसाका, जर्जियाको टीबीलिसी शहर रहेका छन् ।

विश्वका महंगा शहरहरुको सूची:

१) अश्गाबाट, टुर्कमेनिस्तान,
२) हङकङ,
३) बेरुत, लेबनान,
४) टोकियो, जापान,
५) जुरिच, स्वीट्जरल्याण्ड,
६) शंघाई, चीन,
७) सिंगापुर,
८) जेनेभा, स्वीट्जरल्याण्ड
९) बेइजीङ, चीन
१०) बेर्न, स्वीट्जरल्याण्ड