डेनमार्कमाथि फिनल्याण्डको जित, इरिक्सनको स्वास्थ्यमा सुधार

३० जेठ,  काठमाडौँ । युरोकप अन्तर्गत स्थगित भएको डेनमार्क र फीनल्याण्डबीचको खेल गएराती नै सम्पन्न गरिएको छ । डेनमार्कका मिडफिल्डर क्रिस्टियन इरिक्सन मैदानमै ढलेपछि स्थगित गरिएको खेल दुवै टिमका खेलाडीको सहमतिमा पुरा गरिएको हो ।

खेल फिनल्याण्डले १-० ले जितेको छ । फिनल्याण्डका लागि खेलको ५९औ मिनेटमा जोएल पोहजानपालोले गरेको गोल नै खेलको निर्णायक गोल बनेको थियो ।

यसैबीच इसिक्सनको स्वास्थ्यमा सुधार आएको डेनमार्क फुटबल संघले जानकारी दिएको छ । उनको उपचार जारी रहेपनि उनी बोल्नसक्ने अवस्थामा रहेको संघले जानकारी गराएको छ । उनले परिवार र टिमका सदस्यहरुसँग कुराकानी गरेको बताइएको छ ।

फिनल्याण्डविरुद्धको खेलको पहिलो हाफको अन्त्य तिर मैदानमा ढलेका इरिक्सनको तत्काल मैदानमा गरिएको प्राथमिक उपचार र चिकित्सकको थप उपचारपछि अस्पताल लागिएको थियो ।

युरोकपको आयोजक युइएफएले पनि स्वास्थ्य आपतकाल भन्दै खेल स्थगित गरेपनि दुवै टिमको सहमतिमा नेपाल इसम्य अनुसार गएराती सवा १२ बजे बाँकी समयको खेल खेलिएको थियो ।