शेफिल्डसँग म्यानचेस्टर युनाइटेड स्तब्ध

१५ माघ, काठमाडौँ । इङलिश प्रिमियर लिग अन्तर्गत म्यानचेस्टर युनाइटेड पराजित भएको छ । गएराती सम्पन्न खेलमा शेफिल्ड युनाइटेडले म्यानचेस्टर युनाइटेडलाई २-१ गोल अन्तरले पराजित गरेको हो ।

लिगको पुछारमा रहेको शेफिल्डले म्यानचेस्टर युनाइटेडलाई स्तब्ध पर्दै यस सिजनमा दोस्रो जित हासिल गरेको छ । 

शेफिल्डको जितमा कीन ब्रयान र ओलिभर बुर्केले एक एक गोल गरेका थिए भने म्यानचेस्टर युनाइटेडका लागि ह्यारी माग्युरेले एक गोल फर्काएका थिए ।

यो हारपछि म्यानचेस्टर युनाइटेड प्रिमियर लिगको शिर्ष स्थानमा उक्लिनबाट चुकेको छ । अब म्यानचेस्टर युनाइटेडको २० खेलमा ४० अंक रहेको छ भने एक खेल कम खेलेको म्यानचेस्टर सिटीको ४१ अंक रहेको छ ।

त्यस्तै शेफिल्डको भने २० खेलमा ८ अंक भएको छ र लिगमा पुछारमा रहेको छ ।