अग्रप‌ंक्तिमा खटिएका स्वास्थ्यकर्मी र सुरक्षाकर्मीलाई सम्मान गरौं: मनिषा कोइराला

काठमाडौं-बलिउड अभिनेत्री मनिषा कोइरालाले कोभिड-१९ को रोकथाम, नियन्त्रण तथा उपचारमा अग्रपंक्तिमा खटिएका स्वास्थ्यकर्मी, सुरक्षाकर्मी लगायतलाई सम्मान गर्न अनुरोध गरेकी छिन्।

कोइरालाले अग्रस्थानमा रही काम गरिरहेका व्यक्तिहरुको हौसला बढाई जिम्मेवार नागरिक बन्न र यस्ता व्यक्तिलाई दुव्र्यवहार नगर्न आग्रह गरेकी छिन्।

कोरोना संक्रमणको यो विषम समयमा नागरिकलाई सामाजिक उत्तरदायित्व बहन गर्न आग्रह गर्दै मास्क लगाउन, भौतिक दूरी कायम राख्ने कुरामा ध्यान दिन पनि आग्रह गरेकी छिन्।

सुशील कोइराला मेमोरियल फाउन्डेसनले मंगलबार आयोजना गरेको ‘अन्वेषण यात्रा’ कार्यक्रम अन्तर्गत मानसिक र शारीरिक स्वास्थ्यबारे भर्चुअल कार्यक्रममा उनले जीवन सधैं भनेकै जस्तो नहुने भएकाले धेरै अपेक्षा नराखी सही बाटो हिँडनुपर्ने बताइन्।