ग्रिसमा अनिवार्य मास्कको प्रयोगको विरोधमा हजारौँको संख्यामा मानिसहरु सडक उत्रिएर विरोध

विश्वका शक्तिशाली राष्ट्रले समेत कोरोना भाइरस महामारीबाट पार पाउन सकेका छैन्न् । तर, आइतबार यूरोपियन मुलुक ग्रिसको थेस्सलोनिकीको सडकमा भने फरक दृश्य देखियो ।

कोरोना महामारीबाट बच्न विद्यालय जाने बालबालिकालाई गरिएको अनिवार्य मास्कको प्रयोगको विरोधमा हजारौँको संख्यामा मानिसहरु सडक उत्रिएर विरोध नै गरे ।

थेस्सलोनिकीको सडकमा करिब तीन हजार प्रदर्शनकारीहरु सडकमा ओर्लिएको बताइएको छ । अन्तर्राष्ट्रिय सञ्चार माध्यमका अनुसार मास्क प्रयोगको विरोधमा ग्रिसका अन्य शहरहरुमा पनि प्रदर्शन गरिएको थियो ।

प्रर्दशनमा उत्रिएका अधिंकाश मानिसहरु मास्क विनाकै देखिन्थे । ग्रिसमा सरकारले सेप्टेम्बर १ बाट विद्यालय खोल्ने अनुमति दिएको छ । तर, शिक्षक र विद्यार्थीहरुले अनिवार्य मास्क लगाउनुपर्ने त्यहाँको स्वास्थ्य मन्त्रालयले आदेश दिएको छ ।

ग्रिसमा पनि संक्रमणलाई नियन्त्रणमा लिने प्रयास जारी छ । यसअघि २६ फेब्रुअरीमै ग्रिसमा कोरोना भाइरसको पहिलो केस फेलापरेको थियो ।

तत्काल सरकाले लकडाउन घोषणा ग-यो । त्यसपछि अप्रिलको मध्यतिर बिस्तारै लकडाउन खुकुलो भएको थियो । अहिले सुपर मार्केट, क्याफे, बैंक तथा सरकारी कार्यालय पुरानै अवस्थामा फर्किएका छन् ।

जोन हप्किन्स विश्व विद्यालयको तथ्याङ्क अनुसार ग्रिसमा हालसम्म २ सय ८४ जना व्यक्तिले कोरोनाका कारण ज्यान गुमाएका छन् ।