अमेरिकामा समुद्री आँधीका कारण ठूलाे क्षति

अमेरिकामा काेराेना महामारीका बीच आएको एक शक्तिशाली समुद्री आँधीका कारण ठूलाे क्षति पुगेकाे बताइएकाे छ । त्यहाँकाे लुइजियाना राज्यमा कम्तीमा चारजनाको ज्यान गएको छ भने अन्य क्षति आकलन गर्ने काम भइरहेको छ ।

लरा नामक उक्त सम्रद्री आँधीका कारण लुइजियानाको एउटा नगरमा रसायन कारखानामा आगलागी  समेत भएकाे छ । त्यसबाट जाेगाउन स्थानीय मानिसहरूलाई सावधान गराइएको छ ।

बिबिसीका अनुसार करिब २४० किलोमिटर प्रतिघण्टा वेगमा आएको हावाहुरीले पाँच लाख घर-परिवारमा बिजुली आपूर्ति अवरुद्ध भएको छ जनाइएकाे छ । पूर्वानुमान गरिएजस्तो समुद्री छाल बढेर बाढी भने नआएकाे र यसले गर्दा क्षति कम भएकाे जनाइएकाे छ, किनकि आँधी पूर्वतिर लागेकाे थियाे ।

अमेरिकी राष्ट्रपति डोनल्ड ट्रम्पले प्रभावित क्षेत्रमा यही सप्ताहान्तमा भ्रमण गर्ने बताएका छन् । अमेरिकामा आएको सबभन्दा शक्तिशाली समुद्री आँधीमध्येको एक मानिएको हुरिकेन लोराले आफ्नो राज्यमा निकै क्षति भएको भए पनि पूर्वानुमान गरिएजति क्षति  नभएको लुइजियानाका गभर्नर जोन बेल एड्वार्ड्सले बताएका छन् ।

आँधीका कारण रुख तथा बुजुलीका पाेलहरू ढलेर सडक अवरूद्ध एका छन् भने ढलेकाे रूख लाग्दा ४ जना मारिएको बताइएको छ ।

आँधी आउनु अगाडि टेक्ससमा पनि ठूलाे क्षति पुग्ने बताइएकाे थियाे र करिब ४ लाख २० हजार बासिन्दालाई घर छाड्न भनिएको थियो । तर पूर्वानुमान गरिएभन्दा कम असर परेको टेक्सस राज्यका गभर्नर ग्रेग अबोटले पनि बताएका छन् ।